ರಚನೆ : ಪುರಂದರದಾಸರು
ಅಂಬಿಗ ನಾ ನಿನ್ನನಂಬಿದೆ, ಜಗ-
ದಂಬಾರಮಣ ನಂಬಿದೆ ||ಪ||
ಅಂಬಿಗ ಜಗದಂಬಿಗ | ಅಂಬಿಗ ನಿನ್ನ ನಂಬಿದೆ
ತುಂಬಿದ ಹರಿಗೋಲಂಬಿಗ, ಅದ-
ಕೊಂಭತ್ತು ಛಿದ್ರವು ಅಂಬಿಗ
ಸಂಭ್ರಮದಿಂ ನೋಡಂಬಿಗ ಅದ-
ರಿಂಬು ನೋಡಿ ನಡೆಸಂಬಿಗ
ಹೊಳೆಯ ಭರವ ನೋಡಂಬಿಗ, ಅದಕೆ
ಸೆಳವು ಘನವಯ್ಯ ಅಂಬಿಗ
ಸುಳಿಯೊಳು ಮುಳುಗಿದೆ ಅಂಬಿಗ, ಎನ್ನ
ಸೆಳೆದುಕೊಂಡೊಯ್ಯೊ ನೀನಂಬಿಗ
ಆರು ತೆರೆಯ ನೋಡಂಬಿಗ, ಅದು
ಮೀರಿ ಬರುತಲಿದೆ ಅಂಬಿಗ
ಯಾರಿಂದಲಾಗದು ಅಂಬಿಗ, ಅದ ನೀ-
ವಾರಿಸಿ ದಾಟಿಸೋ ಅಂಬಿಗ
ಸತ್ಯವೆಂಬುವ ಹುಟ್ಟಂಬಿಗ, ಸದಾ
ಭಕ್ತಿಯೆಂಬುದೆ ಪಥವಂಬಿಗ
ನಿತ್ಯಮೂರುತಿ ಪುರಂದರವಿಠಲ, ನಮ್ಮ
ಮುಕ್ತಿಮಂಟಪಕೊಯ್ಯೊ ಅಂಬಿಗ
Lyrics in English
Ambiga naa ninnanambide |jagadamba ramana ninna nambide || 2
Ambiga jagadambiga |ambiga ninna nambide ||
Tumbida hari gol ambiga |adakombhattu chitranod ambiga||
sambhrama dinda nod ambiga |adarimbu nodi nadesambiga||ambiga||
Holeva bharava nodambiga | adake selavu ghanavayya ambiga||
suliyolu mulugide ambiga |enna seledu kondoyu nin ambiga ||Ambiga ||
Aru tereya nodambiga |adu meeri barutalide ambiga ||
yarindalagadu ambiga |ada nivarisi datiso ambiga ||Ambiga ||
Hottu hoyitu nodambiga |alli mathaiva reervaru ambiga ||
otti nadesu nodi ambiga |enna satya lokake oyyu ambiga||Ambiga ||
Satyavembude huttambiga |sada bhakti yembude patha ambiga||
mukti dayaka namma purandara vittalana |mukti mantapakoyye ambiga ||Ambiga ||
………………………………………