ಕಟಿಯಲ್ಲಿ ಕರವಿಟ್ಟನು ಪಂಡರಿರಾಯ||ಪ||
ರಾಜಸೂಯಯಾಗದಲ್ಲಿ ರಾಜೇಶ್ವರ
ರಾಜರು ಮೊದಲಾದ ಸುರರೆಲ್ಲರು
ಭೋಜನವನ್ನೆ ಮಾಡಿದೆಂಜಲು ಮೊದಲಾದ್ದು
ರಾಜೀವಾಕ್ಷನು ಎತ್ತಿದಾಯಾಸದಿಂದಲೋ ||
ಗೊಲ್ಲಬಾಲಕರೊಡಗೂಡಿ ತಾ ಬಂದು
ಗೊಲ್ಲತೇರ ಮನೆ ಪೊಕ್ಕು ಬೆಣ್ಣೆಯ ತಿಂದು
ಬಲ್ಲಿದ ತೃಣಾವರ್ತ ಮೊದಲಾದಸುರರನ್ನು
ಎಲ್ಲರನ್ನು ಕೊಂದ ಆಯಾಸದಿಂದಲೊ ||
ಮುದದಿಂದ ವ್ರಜದ ಹದಿನಾರು ಸಾವಿರ
ವನಿತೆಯರಾಳಿದ ಮದದಿಂದಲೊ
ಮದಗಜಗಮನೇರ ಮಧುರಾಂತಕನ
ಒದಗಿ ಮಾವನ ಕೊಂದ ಆಯಾಸದಿಂದಲೊ ||
ಧರಣಿಯನು ತಂದ ದನುಜ ಹಿರಣ್ಯಕನ
ಕೋರೆದಾಡೆಯಿಂದ ಸೀಳಿದಿಂದಲೊ
ವಾರಿಜಮುಖಿ ಸರ್ವಕಾಲದಲಿ ನಿಂತು
ಸೇರಿ ಸುರತ ಮಾಡಿದಾಯಾಸದಿಂದಲೊ ||
ಸುರಪ ತನಯಗೆ ಸಾರಥ್ಯವನು ಮಾಡಿ
ಭರದಿಂದ ಚಕ್ರವ ಪಿಡಿದಿಂದಲೊ
ಪರಿಪರಿವಿಧದಿಂದ ಕುದುರೆಗಳನೆ ತೊಳೆದು
ಪರಿಪರಿ ಕೆಲಸದ ಆಯಾಸದಿಂದಲೊ ||
ಮಮತೆಯಿಂದಲಿ ಭಕ್ತಜನರು ನಿಮ್ಮ ಚರಣ-
ಕಮಲಯುಗವನು ಸ್ತುತಿಸುತಿರಲು
ಮಮತೆಯಿಂದಲಿ ಬಂದು ಅಭಯಗಳನೆ ಕೊಟ್ಟು
ಕಮಲನಾಭ ಶ್ರೀ ಪುರಂದರವಿಠಲ ||
Lyrics in English
Katiyalli karavittano pandhariraya ||
Rajasuyayagadalli rajeshvara
rajaru modalada surarellaru
bojanavanu madidenjalu modaladdu
rajivakshanu ettidayasadindalo ||katiyalli||
Golla baalakarodagoodi taa bandu gollatiyara mane pokku benneya tindu
ballida trunavarta modalada asurara
yellara konda ayasadindalo ||katiyalli||
Mudadinda vrajada hadinaru savira
sudatiyaralida madadindalo
madagajagamaneyara madadantaka krushna
odagi mavana konda ayasadimdalo ||katiyalli||
Surapa tanayage sarathyava ta madi
baradinda chakrava hididudarindalo
Paripari vidhadinda kuduregala ta toledu
paripari kelasadindayasadindalo ||katiyalli||
Mamateyindali baktara janaru nimma charana |
kamalayugmava stutisutaliralu |
mamateyindali bandu abhayagalane kottu | kamalanaba sri purandara vithala ||katiyalli||