ನಗುವರಲೋ ರಂಗಯ್ಯ ನಿನ್ನಾಟವ ಕಂಡು ||
ಹಗರಣವಾಗಿದೆ ಎನಗೆ ನಿಗಮಗೋಚರನೆ||
ನಿಗಮವನ್ನು ತರಲು ಮತ್ಸ್ಯಾಕೃತಿಯ ತಾಳಿದೆ ನಗವನೆತ್ತಿ ಕೂರ್ಮನೆಂಬ ಹೆಸರ ಧರಿಸಿದೆ | ಜಗತಿಯನ್ನು ತರಲು ವರಾಹ ಮೂರ್ತಿಯೆನಿಸಿದೆ| ಮಗುವಿಗಾಗಿ ಘೋರಾಕೃತಿ ನರ ಮೃಗನೇಣಿಸಿದೆ||
ಹೆಡೆಮುರಿ ಕಟ್ಟಿ ದಾನವ ಕೊಟ್ಟ ಬಲಿಯ ಭಂಗಿಸಿದೆ ಪಡೆದ ತಾಯಿಯ ಶಿರವ ಕಡಿದು ನ್ಯಾಯವೆನಿಸಿದೆ | ಮಡದಿಗಾಗಿ ಮರ್ಕಟರ ಹಿಂಡು ಕೂಡಿಸಿದೆ, ಕಡಲ ಕಟ್ಟಿ ಕಪಿಗಳಿಂದ ಪುರವ ಜಯಿಸಿದೆ ||
ಅಷ್ಟಮಿಯೊಳರ್ಧರಾತ್ರಿ ಜನಿಸಿದೆ, ದುಷ್ಟ ಕಂಸನು ಹಾಕಿದ ಬಾಗಿಲ ತೆಗೆಸಿದೆ | ತಟ್ಟನೆ ಗೋಕುಲದಲ್ಲಿ ಬಂದು ನೆಲೆಸಿದೆ ಸೃಷ್ಟಿಸಿ ಚಂಡಿಕೆಯ ಖಳನ ಮುಂದೆ ನಿಲಿಸಿದೆ ||
ನಂದಗೋಪ ತನಗೆ ಕಂದನಾದನು ಎಂದು ಮಿಂದು ಕಾಲಿಂದಿಯೊಳು ಮಂದಿರಕೆ ಬಂದು ಚಂದದಿಂದ ಜಾತಕರ್ಮ ಮಾಡಿಸಿಕೊಂಡು ಬಂದ ಬ್ರಾಹ್ಮಣರಿಗೆ ದಕ್ಷಿಣಿ ಕೊಟ್ಟನು ಅಂದು ||
ಬಣ್ಣಿಸಿ ಮಕ್ಕಳ ಕರೆದು ಬೆಣ್ಣೆಯುಣಿಸಿದೆ ಚಿನ್ನಿಕೋಲು ಚೆಂಡು ಬುಗರಿ ಗಂಜುಗವಾಡಿದೆ || ಕಣ್ಣು ಸನ್ನೆ ಮಾಡಿ ಅವರ ಕಾಕು ಮಾಡಿದೆ, ಮಣ್ಣು ತಿಂದ ಬಾಯೊಳು ಬ್ರಹ್ಮಾಂಡ ತೋರಿದೆ ||
ಗೊಲ್ಲರ ಮನೆಗೆ ನೀನು ಮೆಲ್ಲನೆ ಪೋಗಿ ಚೆಲ್ಲಿ ಪಾಲು ಮೊಸರು ಬೆಣ್ಣೆ ಸೂರೆ ಮಾಡಿದೆ | ವಲ್ಲಭಯರ ಕೂಡೆ, ನೀನು ಸರಸವಾಡಿದೆ ಮುಲ್ಲೇ ಮಲ್ಲಿಗೆಯ ಅರಳ ಮುಡಿಗೆ ಮುಡಿಸಿದೆ ||
ಬಾಲಕರ ಕೂಡೆ ಮೊಸರ ಭಾಂಡ ಒಡೆಸಿದೆ ಹಾಲು ಮೊಸರು ಬೆಣ್ಣೆ ಕದ್ದು ಕಳ್ಳನೆನಿಸಿದೆ | ಬಾಲೆಯರ ವಸ್ತ್ರವ ಕೊಂಡು ಮರವನೇರಿದೆ ಮಾನಿನಿಯರೊಡಕೂಡಿ ರಮಿಸಿದೆ ||
ತರುಣಿಯರ ವ್ರತವ ಕೆಡಿಸಿ ಬತ್ತಲೆ ನಿಲ್ಲಿಸಿದೆ ತುರಗವೇರಿ ಕಲ್ಕಿಯಾಗಿ ಖಡ್ಗವ ಧರಿಸಿದೆ | ಗುರು ಮಧ್ವರಾಯರಿಗೊಲಿದು ಉಡುಪಿಲಿ ನೆಲಸಿದೆ, ವರದ ಪುರಂದರ ವಿಠ್ಠಲನೆ ನಮಗೆ ಗತಿಯಾದೆ ||
Lyrics in English
Naguvarella rangayya ninnatava kandu||
Hagaranavagide enage nigamagocharane||
Nigamavannu taralu matsyakrtiya talide nagavanetti kurmanemba hesara dhariside |
jagatiyannu taralu varaha murtiyeniside maguvigagi ghorakrti nara mruganeniside||
Hedemudi katti danava kotta baliya bhangiside padeda tata shirava kadidu nyayaveniside |
madadigsgi markatara hindu kudiside kadala katti kapigalinda dhurava jayiside||
Ashtamiyolardha ratriyalli janiside dushta kamsanu hakida bagila tegeside |
tattane gokuladalli bandu nelaside shrushtisi chandikeya khalana munde niliside ||
Nandagopa tanage kandanadanu endu mindu kalindiyolu mandirake bandu |
chandadinda jatakarma madisi kondu banda brahmanarige dakshine kottanu andu ||
Bannisi makkala karedu benneyuniside chinnikolu chendu bugari ganjugavadide|
kannu sanne madi avara kaku madide mannu tinda bayolu brahmanda toride ||
Gollara manege ninu mellane pogi chelli palu mosaru benne sure madide |
vallabhayara kude ninu sarasavadide mulle malligeye arala mudige mudiside ||
Balakara kude mosara bhanda odeside halu mosaru benne kaddu kallaneniside |
baleyara vastrava kondu maravaneride maaniniyaroda kudi ramiside ||
Taruniyara vratava keisi battale niliside turagaveri kalkiyagi khadgava dhariside |
guru madhvarayarigolidu udupili nelaside varada purandara vittalane namage gatiyade ||