ಅಚ್ಯುತಾನಂತ ಗೋವಿಂದ ಹರಿ
ಸಚ್ಚಿದಾನಂದ ಸ್ವರೂಪ ಮುಕುಂದ ॥ ಪ ॥
ಕೇಶವ ಕೃಷ್ಣ ಮುಕುಂದ ಹರಿ
ವಾಸುದೇವ ಗುರು ಜಗದಾದಿವಂದ್ಯ
ಯಶೋದೆಯ ಸುಕೃತದ ಕಂದ ಸ್ವಾಮಿ
ಶೇಷಶಯನ ಭಕ್ತ ಹೃದಯಾನಂದ ॥ 1 ॥
ನಾರಾಯಣ ನಿಮ್ಮ ನಾಮ ಎನ್ನ
ನಾಲಿಗೆ ಮೇಲಿರಬೇಕೆಂಬ ನೇಮ
ನಾನು ಬೇಡುವೆ ನಿಮ್ಮ ನಾಮ ಪ್ರಾಣಪ –
ಯಣದ ಸಮಯಕೊದಗಲಿ ಗುಣಧಾಮ ॥ 2 ॥
ಮಾಧವ ಮಂಗಳಗಾತ್ರ ಸ್ವಾಮಿ
ಯಾದವ ಕೈಲಾಸವಾಸನ ಮಿತ್ರ
ಮಹಿಮೆ ಕೇಳಿದರೆ ವಿಚಿತ್ರ ನಿನ್ನ
ಮನಮೆಚ್ಚಲಿ ಸತ್ಯಭಾಮಾಕಳತ್ರ ॥ 3 ॥
ಗೋವಿಂದ ಗೋಪಾಲ ಬಾಲ ಸೋಳ –
ಸಾಸಿರ ಗೋಪೇರ ಆನಂದಲೀಲ
ನೀಲಮಣಿ ಮುಕ್ತಮಾಲಾ ನಿಮ್ಮ
ನೇನೆಂದು ಕರೆಯಲಿ ಸುಗ್ರೀವಪಾಲ ॥ 4 ॥
ವಿಷ್ಣು ಚಕ್ರವು ಬಂದು ಸುತ್ತಿ ಮೂರು
ಸೃಷ್ಟಿಯನೆಲ್ಲ ತಿರುಗಿ ಬೆನ್ನಟ್ಟಿ
ಕೃಷ್ಣ ಸಲಹೆಂದು ಮೊರೆಯಿಟ್ಟ ಮುನಿ
ಶ್ರೇಷ್ಠಗಿಷ್ಟರ ಮೇಲೆ ಅಭಯವ ಕೊಟ್ಟೆ ॥ 5 ॥
ಮಧುಸೂದನ ಮಾರಜನಕ ಮದ –
ಗಜ ಸೀಳಿ ಮಲ್ಲರ ಗೆಲಿದೆ ತವಕ
ಒದಗಿ ಕಂಸನ ಕೊಂದ ಬಳಿಕ ನೀ
ಮುದಕಗೆ ಪಟ್ಟವ ಕಟ್ಟಿದ್ಯೋ ಧನಿಕ ॥ 6 ॥
ತ್ರಿವಿಕ್ರಮ ತ್ರೈಲೋಕ್ಯನಾಥ ದೇವ
ತ್ರಿಪುರದ ಸತಿಯರ ವ್ರತಕೆ ವಿಘಾತ
ಯದುವಂಶ ಪಾಂಡವ ಪ್ರೀತ ಎನ್ನ
ಹೃದಯದೊಳಡಗಿರೋ ಶ್ರೀಜಗನ್ನಾಥ ॥ 7 ॥
ವಾಮನ ರೂಪಿಲಿ ಬಂದು ಬಲಿಯ
ದಾನವ ಬೇಡಲು ಉಚಿತವು ಎಂದು
ಧಾರೆಯನೆರೆಯಲು ಅಂದು ಬೆಳೆದು
ಧಾರಿಣಿಯೆಲ್ಲವನಳಿದ್ಯೋ ನೀನಂದು ॥ 8 ॥
ಶ್ರೀಧರ ಶೃಂಗಾರ ಹಾರ ದಿವ್ಯ
ಶ್ರೀವತ್ಸಲಾಂಛನ ಶ್ರೀರಘುವೀರ
ವಾರಿಧಿಸಮಗಂಭೀರ ಧೀರ
ಕ್ರೂರ ರಕ್ಕಸರನೆಲ್ಲರ ಸಂಹಾರಾ ॥ 9 ॥
ಹೃಷಿಕೇಶ ವೃಂದಾವನದಲಿ ನೀ
ಹರುಷದಿ ಕೊಳಲನೂದುತ ಯಮುನೆಯಲಿ
ಸತಿಯರ ಸಮ್ಮೇಳದಲಿ ನೀ
ಧರಿಸಿದ್ಯೊ ಮಂದಾರಮಾಲೆ ಕೊರಳಲ್ಲಿ ॥ 10 ॥
ಪದ್ಮನಾಭ ಕೇಳೊ ಘನ್ನ ಪಾದ –
ಪದ್ಮವ ತೋರಿಸೋ ಬೇಗನೆ ನಿನ್ನ
ಮುದ್ದುಮುಖವ ತೋರಿ ಎನ್ನ ಬೇಗ
ಉದ್ಧಾರ ಮಾಡೆಂದು ಬೇಡುವೆ ನಿನ್ನ ॥ 11 ॥
ದಾಮೋದರ ಗುಣಧಾಮ ಸ್ವಾಮಿ
ದಾನವಾಂತಕ ಯದುಕುಲಸಾರ್ವಭೌಮ
ನೀಲಮೇಘನಿಭಶ್ಯಾಮ ಕೃಷ್ಣ
ನೀಲಾಪತಿಯೆಂಬ ಬಹುಪುಣ್ಯನಾಮ ॥ 12 ॥
ಸಂಕರ್ಷಣ ದನುಜಹರಣ ದೇವ
ಪಂಕಜಮುಖಿ ದ್ರೌಪದಿ ಮೇಲೆ ಕರುಣ
ಕುಂಕುಮಾಂಕಿತರೇಖಾಚರಣ ನಿಜ
ಕಂಕಣ ಕೇಯೂರ ಕೌಸ್ತುಭಾಭರಣ ॥ 13 ॥
ವಾಸುದೇವ ಕೇಳೋ ನಿನ್ನ ದಿವ್ಯ
ಸಾಸಿರನಾಮವ ನೆನೆವನೆ ಧನ್ಯ
ಬೇಸರದೆ ಸಲಹಬೇಕೆನ್ನ ತುಸು
ಘಾಸಿಯ ಮಾಡದೆ ಕರುಣಾಸಂಪನ್ನ ॥ 14 ॥
ಪ್ರದ್ಯುಮ್ನ ನೆಂದು ನಾ ಕರೆದೆ ಎನ್ನ
ಬದ್ಧವಾದ ದುಷ್ಕರ್ಮವ ಕಳೆದೆ
ದುರ್ಬುದ್ಧಿ ದುರ್ವಾಕ್ಯ ಮೆರೆದೆ
ಸಾಧು ಸಜ್ಜನರ ಸಂಗ ನಿನ್ನಿಂದ ಬೆರೆದೆ ॥ 15 ॥
ಅನಿರುದ್ಧ ಅನುದಿನದಲ್ಲಿ ನೀ
ವಿನಯದಿಂದಿದ್ದು ಗೋಪಿಯರ ಮನೆಯಲ್ಲಿ
ಸನಕಾದಿವಂದ್ಯ ನಿನ್ನಗಲಿ ಒಂದು
ಕ್ಷಣ ಬಿಟ್ಟಿರಲಾರೆ ನಿಲ್ಲೋ ಮನದಲ್ಲಿ ॥ 16 ॥
ಪುರುಷೋತ್ತಮ ಗಾರು ಸಾಟಿ ಪರಬ್ರಹ್ಮ
ಸ್ವರೂಪಿಯೆ ನಿನಗಾರೊ ಪೋಟಿ
ಮಹಿಮೆ ಕೇಳಿದರೊಂದು ಕೋಟಿ ನಿನ್ನ
ಹೃದಯದಿ ಬ್ರಹ್ಮಾಂಡ ಕಂಡ ಕಿರೀಟಿ ॥ 17 ॥
ಅಧೋಕ್ಷಜ ಅಸುರ ಸಂಹಾರಿ ಕೃಷ್ಣ
ಅದ್ಭುತರೂಪ ಶಿಶುಪಾಲನ ವೈರಿ
ಭಕ್ತರ ಪಾಲಿಪ ಶೌರಿ ಅಜಾ –
ಮಿಳ ನಾರಗನೆನ್ನೆ ಕಾಯ್ದೆ ಮುರಾರಿ ॥ 18 ॥
ನರಸಿಂಹ ರೂಪವ ತಾಳ್ದೆ ಕಂದ
ಕರೆಯೆ ಕಂಭದಿ ಬಂದು ಕರುಣದಿ ಕಾಯ್ದೆ
ದುರುಳ ಹಿರಣ್ಯಕನ ಸೀಳ್ದೆ ಅವನ
ಕರುಳ ಬಗೆದು ವನಮಾಲೆ ಹಾಕಿದೆ ॥ 19 ॥
ಅಚ್ಯುತ ನೀನತಿ ಮುದ್ದು ಗೋಪಿ
ಬಚ್ಚಿಟ್ಟ ಹಾಲು ಮೊಸರು ಬೆಣ್ಣೆ ಮೆದ್ದು
ತುಚ್ಚಶಕಟನ ಕಾಲಿಲೊದ್ದು ಕಾಡು
ಕಿಚ್ಚು ನುಂಗಿ ಪಾಲಿಸಿದೆಯೊ ಗೆದ್ದು ॥ 20 ॥
ಜನಾರ್ದನ ರೂಪ ನೀನಾಗಿ ಎನ್ನ
ಮನದ ಕರ್ಮವ ತೊಲಗಿಸೊ ಮುಂದಾಗಿ
ಮುನಿಗಳೆಲ್ಲರು ಒಂದಾಗಿ ಈ
ತನು ನಿನ್ನದೆಂಬರೋ ಕೇಳೋ ನಿಜವಾಗಿ ॥ 21 ॥
ಉಪೇಂದ್ರ ರೂಪದಿ ಬಂದಿ ಅಪ್ರ –
ಮೇಯ ಕಾಳಿಂಗನ ಮಡುವ ಧುಮುಕಿದಿ
ನಾಗನ ಹೆಡೆಗಳ ತುಳಿದಿ ನಾಗ –
ಪತ್ನಿಯರು ಬೇಡೆ ಪತಿಯ ಪಾಲಿಸಿದಿ ॥ 22 ॥
ಹರಿ ಹರಿಯೆಂದರೆ ಪಾಪರಾಶಿ
ಹರಿದು ಹೋಯಿತು ಎನ್ನ ಮನದ ಸಂತಾಪ
ಸರ್ವರೊಳಗೆ ವಿಶ್ವರೂಪ ನಿನ್ನ
ನೆರೆ ನಂಬಿದವರನ್ನು ಸಲಹುವ ಭೂಪ ॥ 23 ॥
ಕೃಷ್ಣ ಕೃಷ್ಣನೆಂಬ ಸೊಲ್ಲ ಕೇಳಿ
ನಷ್ಟವಾಯಿತು ಎನ್ನ ಪಾಪಗಳೆಲ್ಲ
ಮುಟ್ಟಿ ಭಜಿಸಿರೊ ನೀವೆಲ್ಲ ಪುರಂದರ –
ವಿಠ್ಠಲ ನಲ್ಲದೆ ಮತ್ತೆ ಬೇರಿಲ್ಲ ॥ 24 ॥
Lyrics in English
Composer : Sri Purandara dasaru
Achyutananta govinda hari
sacchidananda svarupa mukunda ||pa||
Keshava krishna mukunda hari
vasudeva guru jagadadivandya
yashodeya sukrtada kanda svami
shesha shayana bhakta hrdayananda ||1||
Narayana ninna namavenna
nalige melira bekemba nema
nanu beduve ninna nama prana
payana samayakodagali gunadhama ||2||
Madhava mangalagatra svami
yadava kailasa vasana mitra
mahime kelidare vichitra ninna
mana meccahli satyabhamA kalatra ||3||
Govinda gopala bala sola
sasira gopira ananda leela
neela mani muktamala nimmanenendu
kareyali sugriva pala ||4||
Vishnu chakravu bandu sutti
mooru shrishiyanella tirugi bennatti
krishna salahendu moreyitta muni
shreshtagishtara mele abhayava kotte||5||
Madhusudana marajanaka
madagaja seeli mallara gelida tanaka
odagi kamsana konda bhaliga ni
mudukage pattava kattidyo dhanika ||6||
Trivikrama trailokyanatha deva
tripurara satiyara vratake vikhata
yaduvamsha pandava prita enna
hrdayadoladagiro shri jagannatha ||7||
Vamana rupili bandu baliya
danava bedalu uchitavu endu
dhareyaneyalu andu beledu
dhariniyellavanaledyo ninandu ||8||
Shridhara shrngara hara divya
shrivatsalanjana shri raghuvira
varidhi sama gambhira dhira
krura rakkasaranellara samhara ||9||
Hrishikesha vrindavanadali ni
harushadi kolalnuduta yamuneyali
stiyara sammeladali ni
dharisidyo mandara male koralali ||10||
Padmanabha kelo ghanna pada
padmava toriso begane ninna
muddu mukhava toriyenna bega
uddhara madendu beduve ninna ||11||
Damodara gunadhama svami
danavantaka yadukula sarva bhauma
nila megha nibha shyama krishna
nilapatiyemba bahu punya nama ||12||
Shankarana danujaharana deva
pankajamukhi draupadi mele karuna
kumkumankata rekha charana nija
kankana keyura kaustubha bharana||13||
Vasudeva kelo ninna divya
sasira namava nenevane dhanya
besarade salaha bekenna tusa
ghasiya madade karuna sampanna ||14||
Pradyumnanendu na karade enna
baddhavada dushkarmava kalede
durbuddhi dur vakya marede sadhu
sajjanara sanga ninninda berede ||15||
Aniruddha anudinadalli ni
vinayadindidde gopiyara maneyalli
sanakadi vandya ninnagali ondu
kshana bittiralare nillo manadali ||16||
Purushottamagaru sati para brahma
svarupiye ninagaro poti
mahime kelidarondu koti ninna
hrdayadi kanda brahmanda kiriti ||17||
Adhokshaja asura samhari krishna
adbhuta rupa shishupalana vairi
bhaktara paliya shauri ajamila
naraganenne kaide murari ||18||
Narasimha rupava talede kanda
kareya kambhadi bandu karunadi kaide
durula hiranyakana silde avana
karulu bagidu vanamaleya hakde ||19||
Achyuta ninati muddu gopi bacchitta
halu mosaru benne meddu
tuccha shakatana kaliloddu kadu
gicchanu nungi palisideyo geddu ||20||
Janardana rupa ninagi enna manada
karmava tolagiso mundagi
munigalellaru ondagi i tanu
ninnedembaro kelo nijavagi ||21||
Upendra rupadi bande aprameya
kalingana maduva dhumukide
nagana hedegala tulide naga
patniyaru bede patiya paliside ||22||
Hari hariyendare papa rashi
haridu hoyitu enna manada santapa
sarvarolage vishvarupa ninna nere
nambidavaranu salahuva bhupa ||23||
Krishna krisnanemba solla keli
nashtavayitu enna papagalella
mutti bhajisiro nivella
purandara vittalannade matte berilla ||24||