ಆಡ ಹೋದಲ್ಲೆ ಮಕ್ಕಳು
ಆಡಿ ಕೊಂಬುವರು ನೋಡಮ್ಮ ||ಪ||
ನೋಡಿ ನೋಡಿ ಎನ್ನ ಮುಖವ
ನೋಡಿ ಕಣ್ಣು ಮೀಟುವರಮ್ಮ ||ಅ.ಪ||
ದೇವಕಿ ಹೆತ್ತಳಂತೆ ವಸು-
ದೇವನೆಂಬವ ಪಿತನಂತೆ
ಕಾವಲಲ್ಲಿ ಹುಟ್ಟಿದೆನಂತೆ
ಮಾವಗಂಜಿಲ್ಲಿ ತಂದರಂತೆ ||
ವಿಷವು ತುಂಬಿದ ಮೊಲೆಯನುಂಡು
ಅಸುರೆಯ ನಾ ಕೊಂದೆನಂತೆ
ನಿಶಿಚರ ಶಕಟಾಸುರನ
ಶಿಶುಗಾಲಿಲೊರಸಿದೆನಂತೆ ||
ನೀನೆನ್ನ ಹಡೆದಿಲ್ಲವಂತೆ
ನಾ ನಿನ್ನ ಮಗನಲ್ಲವಂತೆ
ಧೇನು ಕಾಯುವರಿಲ್ಲವೆಂದು
ಸಾನುರಾಗದಿ ಸಲಹಿದೆಯಂತೆ ||
ಕಿಚ್ಚ ನಾ ಗಡ ನುಂಗಿದೆನಂತೆ
ವತ್ಸಾಸುರನ ಕೆಡಹಿದೆನಂತೆ
ಕಚ್ಚ ಬಂದ ಕಾಳಿಂಗನ
ಕೊಚ್ಚಲು ಮಡುವ ಧುಮುಕಿದೆನಂತೆ ||
ಹದ್ದು ಎನ್ನ ವಾಹನನಂತೆ
ಹಾವು ಎನ್ನ ಹಾಸಿಗೆಯಂತೆ
ಕದ್ದು ಬೆಣ್ಣೆಯ ನಾ ತಿಂದೆನಂತೆ
ಮುದ್ದು ಪುರಂದರ ವಿಠಲನಂತೆ ||
Lyrics in English
Ada hodalli makkalu-ennanu-|adikombaru nodamma ||pa||
Nodi nodi itta mukava |madi kanna meetuvaramma ||a.pa||
Devaki hettalante-vasu-|devanembava pitanante |
Kavalinolu puttidenante |mava kamsaganji bandenante|| 1||
Vishavu tumbida moleyanundu |asureya kondenante |
Asuranada sakataasurana |shisuvagale oresidenante|| 2||
Ninenna hadedillavante-amma |naninna maganallavante |
Dhenu kayuvarillavendu ninu |sanuragadi salahideyante || 3||
Kicchanella naa nungidenante | Vatsasurananu kedahidenante |
Kacchabanda kalingana hede-|cocchalu maduva dhumukidanante||4||
Haddu enna vaahananante | haavu enna haasigeyante |kaddu benneya naa tindenante | muddu purandara vittalanante ||5||