ರಚನೆ : ಕನಕದಾಸರು
ಇಷ್ಟು ದಿನ ಈ ವೈಕುಂಠ
ಎಷ್ಟು ದೂರವೋ ಎನುತಲಿದ್ದೆ
ದೃಷ್ಟಿಯಿಂದಲಿ ನಾನು ಕಂಡೆ
ಸೃಷ್ಟಿಗೀಶನೇ ಶ್ರೀರಂಗಶಾಯಿ ||ಪ||
ಎಂಟು ಏಳನು ಕಳೆದುದರಿಂದ
ಬಂಟರೈವರ ತುಳಿದುದರಿಂದ
ಕಂಟಕನೊಬ್ಬನ ತರಿದುದರಿಂದ
ಬಂಟನಾಗಿ ಬಂದನೋ ಶ್ರೀರಂಗಶಾಯಿ ||1||
ವಜ್ರ ವೈಢೂರ್ಯದ ತೊಲೆಗಳ ಕಂಡೆ
ಪ್ರಜ್ವಲಿಪ ಮಹಾದ್ವಾರವ ಕಂಡೆ
ನಿರ್ಜರಾದಿ ಮುನಿಗಳ ಕಂಡೆ
ದುರ್ಜನಾಂತಕನೆ ಶ್ರೀರಂಗಶಾಯಿ ||2||
ರಂಭೆ ಊರ್ವಶಿಯರ ಮೇಳವ ಕಂಡೆ
ತುಂಬುರು ಮುನಿ ನಾರದರನು ಕಂಡೆ
ಅಂಬುಜೋದ್ಭವ ರುದ್ರರ ಕಂಡೆ
ಶಂಬರಾರಿಪಿತನೆ ಶ್ರೀರಂಗಶಾಯಿ ||3||
ನಾಗಶಯನನ ಮೂರುತಿ ಕಂಡೆ
ಭೋಗಿಭೂಷಣ ಶಿವನನು ಕಂಡೆ
ಭಾಗವತರ ಸಮ್ಮೇಳವ ಕಂಡೆ
ಕಾಗಿನೆಲೆಯಾದಿಕೇಶವ ಶ್ರೀರಂಗಶಾಯಿ ||4||
Lyrics in English
Istu dina ee Vaikunta
estu dooravo ennutalidde
drushti yindali naanu kande
shrusti geeshane Shree Rangashaayi || pa ||
Yentu yelanu kaledudarinde
banta raivara tulidudarinde
tuntakanobbana taridudarinde
bantanaagi bandeno rangashaayi || 1 ||
Vajra vaidooryada tolegala kande
prajwalipa mahaa dwaarava kande
nirjaraadi munigala naa kande
durjanaantakane Shree Rangashaayi || 2 ||
Rambhe Urvashi melava kande
Tumburu muni Naaradaranu kande
Ambujodbhava Rudrara kande
Shambaraari pitane Rangashaayi || 3 ||
Naaga shayanana mooruti kande
bhogi bhooshana Shivananu kand
Bhaagavatara sammelava kande
Kaagineleyaadi Keshavana naa kande || 4 ||
Click the link to listen the song which is beautifully composed by Sri Kanakadaasaru. Its a famous song rendered by Sri Vidyabhushana Theertha Swamiji