ಊರಿಗೆ ಬಂದರೆ ದಾಸಯ್ಯ ನಮ್ಮ
ಕೇರಿಗೆ ಬಾ ಕಂಡ್ಯ ದಾಸಯ್ಯ
ಕೇರಿಗೆ ಬಂದರೆ ದಾಸಯ್ಯ ಗೊಲ್ಲ
ಕೇರಿಗೆ ಬಾ ಕಂಡ್ಯ ದಾಸಯ್ಯ ||
ಕೊರಳೊಳು ವನಮಾಲೆ ಧರಿಸಿದವನೆ ಕಿರು
ಬೆರಳಲಿ ಬೆಟ್ಟವನೆತ್ತಿದನೆ
ಇರುಳು ಹಗಲು ನಿನ್ನ ಕಾಣದೆ ಇರಲಾರೆ
ಮರುಳು ಮಾಡಿದಂಥ ದಾಸಯ್ಯ ||
ಕಪ್ಪು ವರ್ಣದ ದಾಸಯ್ಯ ಕಂ-
ದರ್ಪನ ಪಿತನೆಂಬೊ ದಾಸಯ್ಯ
ಅಪ್ಪಿಕೊಂಡು ನಮ್ಮ ಮನಸಿಗೆ ಬಂದರೆ
ಅಪ್ಪನ ಕೊಡುವೆನು ದಾಸಯ್ಯ ||
ಮುಂಗೈ ಮುರಾರಿ ದಾಸಯ್ಯ ಚೆಲ್ವ
ಪೊಂಗೊಳಲೂದುವ ದಾಸಯ್ಯ
ಹಾಂಗೇ ಪೋಗದಿರು ದಾಸಯ್ಯ ಹೊ-
ನ್ನುಂಗುರ ಕೊಡುವೆನು ದಾಸಯ್ಯ ||
ಸಣ್ನ ನಾಮದ ದಾಸಯ್ಯ ನಮ್ಮ
ಸದನಕ್ಕೆ ಬಾ ಕಂಡ್ಯ ದಾಸಯ್ಯ
ಸದನಕೆ ಬಂದರೆ ದಾಸಯ್ಯ ಮಣೀ-
ಸರವನು ಕೊಡುವೆನು ದಾಸಯ್ಯ ||
ಸಿಟ್ಟು ಮಾಡದಿರು ದಾಸಯ್ಯ ಸಿರಿ
ಪುರಂದರವಿಟ್ಠಲ ದಾಸಯ್ಯ
ರಟ್ಟು ಮಾಡದಿರು ದಾಸಯ್ಯ ತಂ-
ಬಿಟ್ಟು ಕೊಡೂವೆನು ದಾಸಯ್ಯ ||
Lyrics in English
Urige bandare dasayya namma kerige ba kandya dasayya||pa||
Kerige bandare dasayya golla kerige ba kandya dasayya||a.pa||
Koralolu vanamale dharisidane kiri beralali bettavanentidane
irulu hagalu ninna kanade iralare marulu madidantha dasayya||1||
Kappu varnada dasayya kandarpana pitanembo dasayya
appikondu namma manasige bandare appava koduvenu dasayya ||2||
Mundenu dari dasayya chelva pongolaluduva dasayya
hange pogadiru dasayya honnangura koduvenu dasayya
Sanna namada dasayya namma sadanake ba kandya dasayya
sadanake bandare dasayya mani saravanu koduvanu dasayya||4||
Sittu madadiru dasayya siri purandara vittala dasayya
rattu madadiru dasayya tambittu koduvanu dasayya ||5||