ಎನ್ನಂಥ ಭಕ್ತರು ಅನಂತ ನಿನಗಿಹರು ನಿನ್ನಂಥ ಸ್ವಾಮಿ ಎನಗಿಲ್ಲ
ನಿನ್ನಂಥ ಸ್ವಾಮಿ ಎನಗಿಲ್ಲ ಅದರಿಂದ ಭಿನ್ನೈಪೆ ನಿನ್ನ ಸಲಹೆಂದು || ಪ ||
ಪತಿತ ನಾನಾದರೂ ಪತಿತ ಪಾವನ ನೀನು ರತಿನಾಥ ಜನಕ ನಗಪಾಣಿ
ರತಿನಾಥ ಜನಕ ನಗಪಾಣಿ ನೀನಿರಲು ಇತರ ಚಿಂತ್ಯಾಕೊ ಎನಗಿನ್ನು || 1 ||
ಮನಗೊಳಗೆ ನೀನಿದ್ದು ಮನವೆಂದೆನಿಸಿಕೊಂಡು ಮನದ ವೃತಿಗಳನ್ನ ಸೃಜಿಸುವಿ
ಮನದ ವೃತ್ತಿಗಳನ್ನ ಸೃಜಿಸುವಿ ಸಂಕರ್ಷಣನೆ ನಿನ್ನ ಕರುಣಕ್ಕೆ ಎಣೆಗಾಣೆ || 2 ||
ನಾನಾ ಪದಾರ್ಥದೊಳು ನಾನಾ ಪ್ರಕಾರದಲ್ಲಿ ನೀನಿದ್ದು ಜಗವ ನಡೆಸುವಿ
ನೀನಿದ್ದು ಜಗವ ನಡೆಸುವಿ ಹರಿ ನೀನೆ ನಾನೆಂಬೋ ನನಗೆ ಗತಿಯುಂಟೆ || 3 ||
ಎನ್ನಪ್ಪ ಎನ್ನಮ್ಮ ಎನ್ನಯ್ಯ ಎನ್ನಣ್ಣ ಎನ್ನರಸ ಎನ್ನ ಕುಲದೈವ
ಎನ್ನರಸ ಎನ್ನ ಕುಲದೈವ ಇಹಪರದಿ ಎನ್ನ ಬಿಟ್ಟಗಲದೇ ಇರು ಕಂಡ್ಯ || 4 ||
ಏಸೇಸು ಜನ್ಮದಲಿ ದಾಸನಾ ನಿನಗಯ್ಯ ಈಶ ನೀನೆಂಬೋ ನುಡಿಸಿದ್ಧ
ಈಶ ನೀನೆಂಬೋ ನುಡಿಸಿದ್ಧ ವಾಗಿರಲುದಾಸೀನ ಮಾಡಲುಚಿತಲ್ಲ || 5 ||
ಆಶೆಯೊಂದುಂಟು ಸರ್ವೇಶಾ ವಿಜ್ಞಾಪಿಸುವೆ ವಿಶ್ವಂಭರಾಭಾಗ್ಯ ಸತಿಮೋಹ
ವಿಶ್ವಂಭರಾಭಾಗ್ಯ ಸತಿಮೋಹ ತಪ್ಪಿಸಿ ನೀ ಸಲಹಬೇಕೋ ದಯದಿಂದ || 6 ||
ಅನಾಥ ಬಂಧು ಜಗನ್ನಾಥ ವಿಠ್ಠಲ ಪ್ರಪನ್ನ ಪರಿಪಾಲ ಮಾಲೋಲ
ಪ್ರಪನ್ನ ಪರಿಪಾಲ ಮಾಲೋಲ ಅರಿ ಪಾಂಚಜನ್ಯ ಧೃತಪಾಣಿ ಸಲಹೆಮ್ಮ || 7 ||
Lyrics in English,
composed by Jagannatha daasaru
Ennantha bhaktaru ananta ninagiharu ninna swaami enagilla
ninnantha swaami enagilla adarinda bhinnaipe ninna salahendu || pa ||
Patita naanaadaru patita paavana neenu ratinaatha janaka nagapaani
Ratinaatha janaka nagapaani neeniralu itara chintyaako enaginnu || 1 ||
Manadolage neeniddu manavendenisikondu manada vruttigalanna srujisuvi
Manada vruttigalanna srujisuvi Sankarshanane ninna karunakke enegaane || 2 ||
Naanaa padaarthadolu naanaa prakadalli neenidu jagava nadesuvi
Neeniddu jagava nadesuvi Hari neene naanembo nanage gatiyunte || 3 ||
Ennappa ennamma ennayya ennanna ennarasa enna kuladaiva
Ennarasa enna kuladaiva ihaparadi enna bittagalade iru kandya || 4 ||
Yesesu janmadali daasanaa ninagayya eesha neenembo nudisiddha
Eesha neenembo nudisiddha vaagiraludaaseena maadaluchitalla || 5 ||
Aasheyonduntu sarveshaa vijnaapisuve vishwambharaabhaagya satimoha
Vishwambharaabhaagya satimoha tappisi nee salahabeko dayadinda || 6 ||
Anaatha bandhu Jagannatha Vittala prapanna paripaala maalola
Prapanna paripaala maalola ari paanchajanya dhrutapaani salahemma || 7 ||
You can listen to the song here