Blog

ಎನ್ನ ಬಿನ್ನಪ ಕೇಳು ಧನ್ವಂತ್ರಿ ದಯಮಾಡು | ಸಣ್ಣವನು ಇವ ಕೇವಲಾ ಬಣ್ಣ ಬಡಿಸುವ ರೋಗವನ್ನುಮೋಚನ
ಮಾಡಿ ಚೆನ್ನಾಗಿ ಪಾಲಿಸುವುದು ವಿಭುವೆ ಚೆನ್ನಾಗಿ ಪಾಲಿಸುವುದು ||

ಆರೋಗ್ಯ ಆಯುಷ್ಯ ಐಶ್ವರ್ಯವೆಂಬೊ ಈ ಮೂರು ವಿಧ ವಸ್ತುಗಳು ನಾರಾಯಣನ ಭಜಕರಾದವರ ಸಾಧನಕೆ ಪೂರ್ಣವಾಗಿಪ್ಪುವು ಘೋರ ವ್ಯಭಿಚಾರ ಪರನಿಂದೆ ಪರವಿತ್ತಾಪಹಾರ ಮಾಡಿದ ದೋಷದಿ ದರಿದ್ರರಾಗುವರು ಮೂರು ವಿಧದಿಂದಲಿ ಕಾರಣನು ನೀನೆ ದುಷ್ಕರ್ಮ ಪರಿಹರಿಸುವುದು ಹರಿಯೆ ||ಎನ್ನ||

ವಸುಮತಿಯ ಮೇಲಿನ್ನು
ಅಸುರ ಜನರೆ ಬಹಳ ವಶವಲ್ಲ ಕಲಿಯ ಬಾಧೆ
ಬಿಸಿಲಿಂದ ಪೀಡಿತವಾದ ಸಸಿಗಳಂತೆ
ಶಿಶುಗಳು ನಾವಿರ್ಪೆವೋ
ಅಸುರಾರಿ ನಿನ್ನ ಕರುಣಾಮ್ರತದ ಮಳೆಗರೆದು
ಕುಶಲದಲಿ ಪಾಲಿಪುವುದೋ
ಕೆಸರಿಂದ ಕೆಸರ ತೊಳೆದಂತೆ ಕರ್ಮದಪಥವು
ಅಸುನಾಥ ಹರಿಯೆ ಪೊರೆಯೋ ಸ್ವಾಮಿ ||ಎನ್ನ||

ಆದಿವ್ಯಾಧಿಗಳು ಉನ್ಮಾದ ವಿಭ್ರಮ
ನಾನಾ ಬಾಧೆಗೌಷದನು ನೀನೆ
ಹೇ ದೇವ ನಿನ್ನ ಕರಕಲಶ ಸುದೆಯನು
ಎರೆದು ಸಾಧುಗಳ ಸಂತೈಸುವೆ
ಮೋದ ಪಡಿಸುವಿ ನಿನ್ನ ಸಾಧಿಸುವರಿಗೆ
ಶುಭೋದಯಂಗಳನ್ನು ಮಾಡಿ
ಆದರಿಸಿ ಇವಗೆ ತವ ಪಾದ ಧ್ಯಾನವನಿತ್ತು
ಸಾಧುಗಳ ಒಳಗಿಟ್ಟು ಮೋದ ಕೊಡು ಸರ್ವದ ||ಎನ್ನ||

ಅನ್ಯರನು ಭಜಿಸದಲೆ ನಿನ್ನನೆ ಸ್ತುತಿಸುತ ನಿನ್ನ ಚಿಹ್ನೆಗಳ ಧರಿಸಿ ನಿನ್ನವರವನೆನಿಸಿ ನಿನ್ನ ನಾಮೋಚ್ಚರಿಸಿ ನಿನ್ನಿಂದ ಉಪಜೀವಿಸಿ ಅನ್ನ ಆರೋಗ್ಯಕ್ಕೆ ಅಲ್ಪಜೀವಿಗಳಿಗೆ ಇನ್ನು ಅಲ್ಲರಿಯಬೇಕೆ ನಿನ್ನ ಸಂಕಲ್ಪ ಭಕ್ತರಪೋಷಕನೆಂಬ ಘನ್ನ ಬಿರುದನ್ನು ಉಳುಹೊ ಸಲಹೊ  ||ಎನ್ನ||

ನಿನ್ನವರಲಿ ಇವಗೆ ಇನ್ನು ರತಿಯನು ಕಂಡು
ನಿನ್ನವನೆಂದು ಅರಿದೂ
ನಿನ್ನ ನಾ ಪ್ರಾರ್ಥಿಸಿದೆ ಅನ್ಯರಿಗೆ ಅಲ್ಪರಿಯೆ
ಎನ್ನ ಪಾಲಿಸುವ ದೊರೆಯೇ
ಎನ್ನ ಮಾತಲ್ಲವಿದು ಎನ್ನ ಹಿರಿಯರ ಮಾತು
ಮನ್ನಿಸಬೇಕು ಕರುಣಿ
ಅನಂತಗುಣಪೂರ್ಣಗೋಪಾಲವಿಠ್ಠಲನೇ
ಇನ್ನಿದನು ಪಾಲಿಸಯ್ಯಾ ಜೀಯ ||ಎನ್ನ||

Lyrics in English

Enna binnapa kelu dhanvantri dayamaadu | sannavanu eva kevala banna badisuva rogavanu mochana | maadi chennagi paalisuvudu | vibhuve chennagi paalisuvudu ||

Aarogya aayushya aishvaryavembo I ee muruvidhavastugalu
Naarayanana bhajakaraadavara saadhanake purnavaagippuvu
Ghora vyabhichaara paraninde para vittaapahaaramaadida doshadi
Daridraraaguvaru muru vidhadindali kaarananu nine dushkarma pariharisuvudu hariye ||

Vasumatiya melinnu asura janare bahala vashavalla kaliya baadhe | bisilinda peeditavaada sasigalante shishugalu naavirpevo | asuraari ninna karunaamrutada malegaredu \ kushaladali paalipuvudo | kesarinda kesara toledante karmadapathavu | asunaatha hariye poreyo swami ||

Adivyaadigalu unmaada vibhrama naana baadhegoushadanu neene | he deva ninna karakalasha sudeyanu | eredu saadhugala santaisuve | moda padisuvi ninna saadhisuvarige | shubhodayamgalannu maadi | adharisi evage tava paada dhanyavanittu | sadhugala olagittu moda kodu sarvada ||

Anyaranu bhajisadale ninnane stutisuta ninna cihnegala dharisi
Ninnavaranenisi ninna naamoccarisi ninninda upajivisi
Anna aarogyakke alpa jivigalige innu aalpariyabeke
Ninna sankalpa bhaktara poshakanemba ghanna birudinnu uluho salaho ||

Ninnavarali evage ennu ratiyanu kandu | ninnavanendu aridu | nnna naa prartiside anyarige alpariye | enna paalisuva doreye | enna maatallavidu enna hiriyara maatu | mannisabeku karune ananta gunapoorna gopaalavithalane | ennidanu paalisayya jeeya ||