ಏಕೆ ಕಕುಲಾತಿಪಡುವೆ ಎಲೆ ಮನವೆ ||ಪ||
ಲೋಕವನೆ ಸಲಹುವ ಶ್ರೀನಿವಾಸನು ನಮ್ಮ |
ಸಾಕಲಾರದೆ ಬಿಡುವನೇ – ಮನವೆ ||ಅಪ||
ಆನೆಗಳಿಗೆಯ್ದಾರು ಮಣವಿನಾಹಾರವನು ಅಲ್ಲಿ ತಂದಿತ್ತವರದಾರೊ |
ಜೇನುನೊಣ ಮೊದಲಾದ ಕ್ರಿಮಿ – ಕೀಟಗಳಿಗೆಲ್ಲ |
ತಾನುಣಿಸದಲೆ ಬಿಡುವನೇ – ಮರುಳೆ ||1||
ಕಲ್ಲಿನೊಳಗಿರುವ ಕಪ್ಪೆಗಳಿಗಾಹಾರವನು ಅಲ್ಲಿ ತಂದಿತ್ತವರದಾರೊ |
ಎಲ್ಲವನು ತೊರೆದು ಅರಣ್ಯ ಸೇರಿದ್ರ್ದವರ |
ಅಲ್ಲಿ ನಡಸದೆ ಬಿಡುವನೇ – ಮರುಳೆ ||2||
ಅಡವಿಯೊಳಗೇ ಪುಟ್ಟುವಾ ಮೃಗ ಕುಲಕ್ಕೆಲ್ಲ ಒಡೆಯನಾರುಂಟು ಪೇಳೊ |
ಗಿಡದಿಂದ ಗಿಡಕೆ ಹಾರುವ ಪಕ್ಷಿಗಳಿಗಲ್ಲಿ |
ಪಡಿಯ ನಡೆಸದೆ ಬಿಡುವನೇ – ಮರುಳೆ ||3||
ಕಂಡಕಂಡವರ ಕಾಲಿಗೆ ಎರಗಿ ಎಲೆ ಮರುಳೆಮಂಡೆ ದಡ್ಡಾಯಿತಲ್ಲ |
ಭಂಡ ಮನವೇ ನೀನು ಕಂಡವರಿಗೆರಗದಿರು
ಕೊಂಡಾಡಿ ಹರಿಯ ಭಜಿಸೋ – ಮರುಳೆ ||4||
ಎಂಬತ್ತುನಾಲ್ಕು ಲಕ್ಷ ಜೀವರಾಶಿಗಳನ್ನು ಬೆಂಬಿಡದೆ ಸಲುಹುತಿಹನು |
ನಂಬು ಶ್ರೀ ಪುರಂದರವಿಠಲನ ಪಾದವನು
ನಂಬಿದರೆ ಸಲಹದಲೆ ಬಿಡುವನೇ – ಮರುಳೆ ||5||
Lyrics in English
Eke kakulaati paduve ele manave ||
Lokavane salahuva srinivasanu namma
|saakalarade biduvane – manave ||a.pa||
Anegalige manavinaahaaravanu allu tandittavaraaro |
jenu nona modalaada krimi keetagaligella |
taanunisadale biduvane – marule ||
Kallinolagiruva kappegaligaahaaravanu alli tandittavaradaaro |
ellavanu toredu aranya seriddavara |
alli nadasade biduvane ||
Adaviyolage puttuvaa mruga kulakkella odeyanaaruntu pelo |
gidadinda gidake haaruva pakshigaligalli |
padiya nadesade biduvane ||
Kandakandavara kaalige eragi ele marulemande daddaayitalla |
bhanda manave neenu kandavarigeragadiru kondaadi hariya bhajiso ||
Embattunalku laksha jeevarashigalannu bembidade salahutihanu |
nambu sri purandaravittalana paadavanu nambidare salahadale biduvane ||