ಚರಣವ ತೋರೈ ಚೆಲುವರ ಅರಸನೆ
ಚರಣವ ತೋರೈ ।।ಪ।।
ಸ್ಮರಣೆ ಮಾತ್ರದಲಿ ಮುಕುತಿಯ ಕೊಡುವ
ಚರಣವ ತೋರೈ ।।ಅ.ಪ।।
ರಮ್ಮೆಯ ಮನಕೆ ಬೆಡಗು ತೋರಿದ ಚರಣವ ತೋರೈ
ಬೊಮ್ಮಾದಿಗಳ ಮನಕೆ ನಿಲುಕದ ಚರಣವ ತೋರೈ
ಚಿಮ್ಮಿ ರಾವಣನ ಬಲುದೂರವ ಗೈದ ಚರಣವ ತೋರೈ
ಘಮ್ಮನೆ ಮೊಸರ ಮೆದ್ದು ನಡೆದ ಚರಣವ ತೋರೈ ।।೧।।
ಗೋಕುಲಭೂಮಿಯ ಪಾವನಮಾಡಿದ ಚರಣವ ತೋರೈ
ಲೋಕವನೆಲ್ಲ ಅಡಗಿಸಿಕೊಂಡ ಚರಣವ ತೋರೈ
ಬೇಕೆಂದು ಕುಬುಜೆಯ ಮನೆಗೆ ಪಾದ ಚರಣವ ತೋರೈ
ನೂಕಿಭವಾಬ್ಧಿಯ ಬತ್ತಿಸಿಬಿಡುವ ಚರಣವ ತೋರೈ ।।೨।।
ಬಿಡದಲೆ ಸರ್ವಜ್ಞತೀರ್ಥರಿಗೊಲಿದ ಚರಣವ ತೋರೈ
ಬಡವರಾಧಾರ ದಿವ್ಯಭೂಷಣವಿಟ್ಟ ಚರಣವ ತೋರೈ
ಕಡುಮುದ್ದು ಸಿರಿಕೃಷ್ಣ ವಿಜಯವಿಠಲ ನಿನ್ನ ಚರಣವ ತೋರೈ
ಉಡುಪಿಯ ಸ್ಥಳದಲಿ ನಿಂದು ಪೂಜೆಯಗೊಂಬ ಚರಣವ ತೋರೈ ।।೩।।
Lyrics in English
Charanava torai cheluvara arasane
Charanava torai ||pa||
Smarane matradali mukutiya koduva
charanava torai ||a.pa||
Rammeya manake bedagu torida charanava torai
bommadigala manake nilukada charanava torai
chimmi ravanana baludurava gaida charanava torai
gammane mosara meddu nadeda charanava torai ||1||
Gokulabumiya pavanamadida charanava torai
lokavanella adagisikonda charanava torai
bekendu kubujeya manege pada charanava torai
nukibavabdhiya battisibiduva charanava torai ||2||
Bidadale sarvajnatirtharigolida charanava torai
badavaradhara divyabushanavitta charanava torai
kadumuddu sirikrishna vijayavithala ninna charanava torai
udupiya sthaladali nindu pujeyagomba charanava torai ||3||