ತಪ್ಪುಗಳೆಲ್ಲವ ಪರಿಹರಿಸುವ ನಮ್ಮಪ್ಪನಲ್ಲವೆ ನೀನು ||ಪ||
ಅಷ್ಟಾದರು ಎನ್ನವಗುಣ ಎಣಿಸದೆ ಸತ್ಯ ಸಂಕಲ್ಪ ತಿಮ್ಮಪ್ಪ ನೀನು ||ಅ||
ಬೆಳಗಿನ ಝಾವದಿ ಹರಿಯ ಸ್ಮರಣೆಯ ಮಾಡದಿರುವುದು ತಪ್ಪು
ಮಲಮೂತ್ರ ವಿಸರ್ಜನೆ ಮೃತ್ತಿಕೆಯಲಿ ಮಲವ ತೊಳೆಯದಿರುವುದು ತಪ್ಪು
ತುಳಸಿ ವೃಂದಾವನ ಗೋಸೇವೆಗೆ ಆಲಸ್ಯ ಮಾಡುತಲಿರುವುದು ತಪ್ಪು
ನಳಿನ ಸಹೋದರನಿಗರ್ಘ್ಯವನೀಯದೆ ಕಲಿ ವ್ಯಾಸಂಗದಲಿರುವುದು ತಪ್ಪು ||
ದಿನದಿನ ಉದಯ ಸ್ನಾನ ಮಾಡದ ತನು ವಂಚನೆಯಾ ತಪ್ಪು
ಮುನಿಸುರ ಭೂಸುರರಾರಾಧಿಸದೆ ಧನ ವಂಚನೆಯ ತಪ್ಪು
ಕ್ಷಣ ಗುಣ ಜಿಜ್ಞಾಸಿಲ್ಲದೆ ದುರ್ಜನರ ಸಂಸರ್ಗದ ತಪ್ಪು
ವನಜಾಕ್ಷ ನಿನ್ನ ಧ್ಯಾನವ ಮಾಡದೆ ಮನ ವಂಚನೆಯ ತಪ್ಪು ||
ಕಣ್ಣಿಲಿ ಕೃಷ್ಣಾಕೃತಿಯ ನೋಡದೆ ಪರಹೆಣ್ಣಿನ ನೋಡಿದ ತಪ್ಪು
ಅನ್ನವನರ್ಪಿಸದೆ ಅಜ್ಞಾನದಿ ಉಣ್ಣುವ ನಾಲಿಗೆ ತಪ್ಪು
ನಿನ್ನ ಕಥಾಮೃತವಿಲ್ಲದೆ ಹರಟೆಯ ಮನ್ನಿಸುವ ಕಿವಿ ತಪ್ಪು
ಚಿನ್ಮಯ ಮೂರುತಿ ಚರಣೆಕ್ಕೆರಗದೆ ಉನ್ಮತ್ತೆಯ ತಪ್ಪು ||
ಆನಂದನ ಸಂಕೀರ್ತನೆ ಮಾಡದೆ ಹೀನ ವಿವಾದದ ತಪ್ಪು
ಶ್ರೀನಾಥಾರ್ಚನೆ ಇರಲೂಳಿಗವ ಮಾಡಿದ ಕೈಯ ತಪ್ಪು
ಶ್ರೀನಿರ್ಮಾಲ್ಯ ವಿರಹಿತ ಸುರಭಿಯ ಘ್ರಾಣದ ನಾಸಿಕ ತಪ್ಪು
ಶ್ರೀ ನಾರಾಯಣನ ವೇಷಗೆಯ್ಯದನ ನಟನೆ ಪಾದದ ತಪ್ಪು ||
ಯಜ್ಞಾತ್ಮಗೆ ಯಜ್ಞವರ್ಪಿಸದೆ ಕಾಮ್ಯ ಯಜ್ಞಮಾಡಿದ ತಪ್ಪು
ಅಜ್ಞಾನ ಜ್ಞಾನದಲಿ ಕ್ಷಣ ಕ್ಷಣ ಅಘಗಳ ಗಳಿಸುವ ತಪ್ಪು
ಆಗತ ಶೌಚದ ಕರ್ಮವ ಜರೆದು ಸಮಗ್ರ ಗುಹ್ಯದ ತಪ್ಪು
ಯಜ್ಞೇಶ ಮಧ್ವಪತಿ ಪುರಂದರವಿಠಲನ ವಿಸ್ಮರಣೆಯ ತಪ್ಪು ||
Lyrics in English
Tappugalellava pariharisuva nammappanallave ninu ||pa||
Ashtadaru ennavaguna enisade satya sankalpa timmappa ninu ||a||
Belagina javadi hariya smaraneya madadiruvudu tappu
Malamutra visarjane mruttikeyali malava toleyadiruvudu tappu
Tulasi vrumdavana gosevege alasya madutaliruvudu tappu
Nalinasahodaranigarghyavaniyade kalivyasangadaliruvudu tappu ||
Dinadina udaya snana madada tanu vanchaneya tappu
Munisura busurararadhisade dhana vanchaneya tappu
Kshana guna jijnasillade durjanara samsargada tappu
Vanajaksha ninna dhyanava madade mana vanchaneya tappu ||
Kannili krishnakrutiya nodade parahennina nodida tappu
Annavanarpisade ajnanadi unnuva nalige tappu
Ninna kathamrutavillade harateya mannisuva kivi tappu
Chinmayamuruti charanekkeragade unmatteya tappu ||
Anandana sankirtane madade hinavivadada tappu
Srinatharchane iraluligava madida kaiya tappu
Srinirmalya virahita surabhiya granada nasika tappu
Sri narayanana veshageyyadana natane padada tappu ||
Yajnaatmage yajnavarpisade kamya yajnamadida tappu
Ajnana jnanadali kshana kshana agagala galisuva tappu
Agata Sauchada karmava jaredu samagra guhyada tappu
Yajnesha madhvapati purandara vithalana vismaraneya tappu ||