ರಚನೆ : ಶ್ರೀ ಕನಕದಾಸರು
ಬಂಟನಾಗಿ ಬಾಗಿಲ ಕಾಯುವೆ, ಶ್ರೀಹರಿಯ || ಪ ||
ವೈಕುಂಠದ ಸೋಂಪಿನ ದಾಸರ ಮನೆಯ ||ಅ.ಪ||
ಹೊರಸುತ್ತು ಪ್ರಾಕಾರ ಸುತ್ತಿ ನಾ ಬರುವೆ
ಬರುವ ಹೋಗುವರ ವಿಚಾರಿಸಿ ಬಿಡುವೆ
ಕರದಿ ಕಂಬಿಯ ಪೊತ್ತು ಅಲ್ಲಿ ನಿಂದಿರುವೆ
ಶ್ರೀಹರಿಯ ಸಮುದ ಓಲಗದೊಳಿರುವೆ || ೧ ||
ತೊತ್ತು ತೊಂಡನಾಗಿ ಬಾಗಿಲ ಕಾಯ್ವೆ
ಚಿತ್ರದ ಚಾವಡಿ ರಜವನು ಬಳಿವೆ
ಮುತ್ತಿನ ರಂಗವಲ್ಲಿಯನಿಟ್ಟು ಬರೆವೆ
ರತ್ನಗಂಬಳಿ ಹೊತ್ತು ಹಾಸುವೆನು ||೨||
ವೇಳವೇಳೆಗೆ ನಾನೂಳಿಗವ ಮಾಡುವೆ
ಆಲವಟ್ಟಿಗೆ ಚಾಮರವ ಬೀಸುವೆ
ತಾಳದಂಡಿಗೆ ಭೃಂಗಿ ಮೇಳಗಳ ಕೂಡಿ
ಶ್ರೀಲೋಲನ ಕೊಂಡಾಡಿ ಪಾಡುವೆನು || ೩ ||
ಎಂಜಲ ಹರಿವಾಣಂಗಳ ಬೆಳಗುವೆ
ಕಂಜನಾಭನ ಪಾದಕಮಲವ ತೊಳೆವೆ
ರಂಜಿಪ ಕುಸುಮದ ಮಾಲೆ ತಂದಿಡುವೆ
ಸಂಜೆಗೆ ಪಂಜಿನ ದಾಸನಾಗಿರುವೆ ||೪||
ಮೀಸಲೂಳಿಗವ ನಾ ಮಾಡಿಕೊಂಡಿರುವೆ
ಶೇಷ ಪ್ರಸಾದವ ಉಂಡುಕೊಂಡಿರುವೆ
ಶೇಷಗಿರಿ ಕಾಗಿನೆಲೆಯಾದಿಕೇಶವನ
ದಾಸರ ದಾಸರ ದಾಸರ ಮನೆಯ ||೫||
Lyrics in English
Composer : Sri Kanakadasaru
Bantanagi bagila kayuve, srihariya ||pa||
vaikuntada sompina dasara maneya || a.pa ||
Horasuttu praakara sutti naa baruve
baruva hoguvara vicharisi biduve
karadi kambiya pottu alli nindiruve
srihariya samuda olagadoliruve ||1||
Tottu tondanaagi bagila kayve
chitrada chavadi rajavannu balive
muttina rangavalliyanittu bareve
ratnagambali hottu hasuvenu ||2||
Velevelege naanooligava maduve
aalavattige chamarava beesuve
taaladandige bhrungi melagala koodi
srilolana kondaadi paaduvenu ||3||
Enjala harivaangala belaguve
kanjanabhana padakamalava toleve
ranjipa kusumada maale tandiduve
sanjege panjina daasanagiruve ||4||
Meesalooligava naa maadikondiruve
shesha prasadava undukondiruve
sheshagiri kagineleyaadikeshavana
daasara daasara daasara maneya ||5||