ಕಂಡೆ ನಾ ಕನಸಿನಲಿ ಗೋವಿಂದನ||pa||
ಕಂಡೆ ನಾ ಕನಸಿನಲಿ ಕನಕ ರತ್ನದ ಮಣಿಯ
ನಂದನ ಕಂದ ಮುಕುಂದನ ಚರಣವ||apa||
ಅಂದುಗೆ ಕಿರುಗೆಜ್ಜೆ ಘಲಿರೆಂಬ ವಾದ್ಯದಿ
ಬಂದು ಕಾಳಿಂಗನ ಹೆಡೆಯನೇರಿ
ಧಿಂ ಧಿಮಿ ಧಿಮಿಕೆಂಧು ತಾಳಗತಿಗಳಿಂದಾ –
-ನಂದದಿ ಕುಣಿವ ಮುಕುಂದನ ಚರಣವ
ಉಟ್ಟ ಪೀತಾಂಬರ ಉಡಿಯ ಕಾಂಚಿಯ ಡಾಮ
ತೊಟ್ಟ ಮುತ್ತಿನ ಹಾರ ಕೌಸ್ತುಭವು
ಕಟ್ಟಿದ ವೈಜಯಂತಿ ತುಳಸಿ ವನಮಾಲೆ
ಇಟ್ಟ ದ್ವಾದಶನಾಮ ನಿಗಮ ಗೋಚರನ
ಕಿರು ಬೆರಳಿನ ಮುದ್ರೆ ಉಂಗುರ ಮುಂಗೈಯ
ಕರದಲಿ ಕಂಕಣ ನಲಿದೋಳುಗಳ
ವರ ಚತುರ್ಭುಜ ಶಂಖ ಚಕ್ರದಿ ಮೆರೆವನ
ನಿರತದಿ ಒಪ್ಪುವ ಕರುಣಾಮೂರುತಿಯ
ಬಣ್ಣದ ತುಟಿ ಭಾವ ರಚನೆಯ ಸುಳಿಪಲ್ಲು
ಸಣ್ಣ ನಗೆಯ ನುಡಿ ಸವಿಮಾತಿನ
ಪುಣ್ಯ ಚರಿತ್ರನ ಪೊಳೆವ ಕಿರೀಟವ
ಕಣ್ಣು ಮನ ತಣಿಯದು ಕಂಸಾರಿ ಕೃಷ್ಣನ
ಮಂಗಳ ವರ ತುಂಗಭದ್ರದಿ ಮೆರೆವನ
ಅಂಗಜಪಿತ ಶ್ರೀ ಲಕ್ಷ್ಮೀಪತಿಯ
ಶೃಂಗಾರಮೂರುತಿ ಪುರಂದರವಿಠಲನ
ಕಂಗಳಿಂದಲಿ ಕಂಡೆ ಹಿಂಗಿತು ಭವಭಯ
Lyrics in English
Kande na kanasinali govindana||pa||
Kande na kanasinali kanaka ratnada maniya
Nandana kanda mukundana charanava||apa||
Anduge kirugejje galiremba vadyadi
Bandu kalingana hedeyaneri
Dhim dhimi dhimikendhu talagatigalimda –
-nandadi kuniva mukundana charanava ||
Utta pitambara udiya kanchiya dama
Totta muttina hara kaustubavu
Kattida vaijayanti tulasi vanamale
Itta dvadashanama nigama gocharana||
Kiru beralina mudre ungura mungaiya
Karadali kankana nalidolugala
Vara chaturbuja shankha chakradi merevana
Niratadi oppuva karunamurutiya||
Bannada tuti bhava rachaneya sulipallu
Sanna nageya nudi savimatina
Punya charitrana poleva kiritava
Kannu mana taniyadu kamsari krushnana
Mangala vara tungabadradi merevana
Angajapita sri lakshmipatiya
Srungaramuruti purandaravithalana
Kangalindali kande hingitu bhavabhaya ||