ಅಮ್ಮಾ ಲಕುಮಿದೇವಿ ನಿಮ್ಮರಸನ ತೋರೆ
ಸುಮ್ಮನೆ ಬಿಡುವದು ಸಮ್ಮತವೇ ನಿನಗೆ ||ಪ||
ಹೆತ್ತ ಬಾಲರು ಮಂದಮತಿಗಳಾದರೆ ತಾಯಿ
ಸತ್ತು ಹೋಗಲಿ ಎಂದು ಎತ್ತದೆ ಬಿಡುವೊಳೆ || 1 ||
ನಿಮ್ಮ ಮಾತಿಗೆ ಹರಿ ಸಮ್ಮತನಾಗುವ
ಕುಮತಿಗಳೆಣಿಸದೆ ರಾಮ ಮೂರುತಿ ತೋರೆ || 2 ||
ಸಿಂಧುತನಯೆ ಎನ್ನ ಬಂಧ ಬಿಡಿಸಿ ಬೇಗ
ನಂದ ಕಂದನ ಪಾದ ಪೊಂದಿರುವಂತೆ ಮಾಡೆ || 3 ||
ತತ್ವೇಶರೆಲ್ಲರೂ ನಿತ್ಯಾಧೀನರು ನಿಮಗೆ
ಭೃತ್ಯಗೆ ನಿಜ ಹರಿ ಭಕ್ತಿ ಕೊಡುವಂತೆ ಪೇಳೆ || 4 ||
ಎನ್ನಲಿರುವ ಹೀನರೋಡಿಸಿ ಬೇಗ
ಪನ್ನಗಾಚಲವಾಸ ಶ್ರೀ ನರಹರಿ ತೋರೆ || 5 ||
Lyrics in English
Amma lakumidevi nimmarasana tore summane
Biduvadu sammatave ninage ||pa||
Hetta baalaru mandamatigaladare tayi
Sattu hogali endu ettade biduvole ||1||
Nimma maatige hari sammatanaguva
Kumatigalenisade rama muruti tore ||2||
Sindhutanaye enna bandha bidisi bega
Nanda kandana pada pondiruvante made ||3||
Tatvesarellaru nityadhinaru nimage
Brutyage nija hari Bhakti koduvante pele ||4||
Ennaliruva hinarodisi bega
Pannagaachalavasa sri narahari tore ||5||