ರಚನೆ : ಶ್ರೀ ವಿಜಯದಾಸರು
ಆವ ಜನ್ಮದ ಪುಣ್ಯ ಫಲಿಸಿತೆನಗೆ |
ಈ ಉಡುಪಿ ಕೃಷ್ಣನ ಪ್ರಸಾದ ಭುಂಜಿಸಿದೆ ||pa||
ಲವಣವನು ಸವಿದುಣಲು | ಬಲುಜನ್ಮದಲಿಯಿದ್ದ
ಭವರಾಸಿಗಳು ಹಾರಿ ಬಯಲಾದವು |
ನವವಿಧ ಭಕುತಿಯಾ ಮಾರ್ಗವನೆ ತಿಳಿದು |
ಮಾನವರೊಳಗೆ ಪರಿ ಶುದ್ಧನಾದೆ ಗುರು ಕರುಣದಲೀ ||1||
ಶಾಖಫಲ ಕೈಕೊಳಲು ಅರಿಷಡ್ವರ್ಗಗಳಿಂದ |
ಶೋಕವನೆ ಬಂದಿರಲು ಬೆನ್ನು ಬಟ್ಟು |
ಕಾಕೆಟ್ಟು ಪೋಗುವವು ಏನೆಂಬೆ ಸೋಜಿಗವು |
ಲೋಕದೊಳಗೆ ನಮ್ಮ ಕುಲಗೋತ್ರಜರೆ ಧನ್ಯ ||2||
ಸೂಪವನು ಉಂಡರೆ ಮುಂದಟ್ಟಿ ಬರುತ್ತಿಪ್ಪ |
ಆಪತ್ತು ಕಳವಳಿಸಿ ಹಿಂದಾದವು |
ಭಾಪುರೆ ಮೋಕ್ಷಮಾರ್ಗಕ್ಕೆ
ಸೋಪಾನ ದೊರಕಿದವು ಏನೆಂಬೆ
ಸೋಜಿಗವು ಬಲು ತೀವ್ರದಲಿ ||3||
ಭಕ್ಷ್ಯಗಳು ಮೆಲಲಾಗಿ ಭಕ್ತಿ ಪುಟ್ಟುವದಯ್ಯಾ |
ಅಕ್ಷಯವಾಗುವದು ಇದ್ದ ಪುಣ್ಯ |
ಅಕ್ಷರ ವಂಚನಾಗಿ ಸರ್ವದಾ ಮೋಕ್ಷಸಾಧನ
ಮಾಳ್ಪ ಮನಸು ಪುಟ್ಟಿತು ನೋಡಾ||4||
ಓದನವು ಉದರದಲಿ ತುಂಬಲಾಕ್ಷಣದಲ್ಲಿ |
ಸಾಧುಗಳ ಸಂಗತಿ ಘಟಿಸುವದು | ಭೇದಾರ್ಥ
ಜ್ಞಾನ ಬಂದೊದಗುವದು ಗುರು ಪೂರ್ಣ |
ಬೋಧರಾ ಮತದಲ್ಲಿ ಲೋಲಾಡುವಾನಂದಾ ||5||
ಘೃತ ದಧಿ ತಕ್ರ ಮೊದಲಾದ ವ್ಯಂಜನ ಉಣಲು |
ಹಿತವಾಗಿ ಸಕಲ ಇಂದ್ರಿಯಂಗಳು |
ಸತತ ದುರ್ವಿಷಯಕ್ಕೆ ಪೋಗದಲೆ ಆವಾಗ |
ರತಿಪತಿಪಿತನ ಪದಸೇವೆಯೊಳಗಿಪ್ಪವೊ ||6||
ಕೃಷ್ಣ ಸಂದರುಶನ ಮೃಷ್ಟಾನ ಭೋಜನ |
ಕಷ್ಟನಾಶನ ಸರ್ವ ಕರ್ಮಕಧಿಕಾ |
ಇಷ್ಟ ಸುಖ ಸೌಖ್ಯಕರ ಮತ್ತಾವÀಲ್ಲಿ ಕಾಣೆ |
ಸೃಷ್ಟಿಗೊಡೆಯ ವಿಜಯವಿಠ್ಠಲನು ದಯವಾಗೆ ||7||
Lyrics in English
Ava janmada punya phalisitenage |
ee udupi krishnana prasada bunjiside |pa|
Lavanavanu savidunalu | balujanmadali yidda
bavarasigalu hari bayaladavu|
navavidha bakutiya margavane tilidu |
manavarolage pari suddhanade guru karunadali ||1||
Sakapala kaikolalu arishadvargagalinda |
sokavane bandiralu bennu battu |
kakettu poguvavu enembe sojigavu |
lokadolage namma kulagotrajare dhanya ||2||
Supavanu undare mundatti baruttippa |
aapattu kalavalisi hindadavu |
bapure mokshamargakke sopana dorakidavu
enembe sojigavu balu tivradali ||3||
Bakshyagalu melalagi bhakti puttuvadayya |
akshayavaguvadu idda punya |
akshara vanchanagi sarvada mokshasadhana
malpa manasu puttitu noda ||4||
Odanavu udaradali tumbalakshanadalli |
sadhugala sangati gatisuvadu | bedartha
Jnana bandodaguvadu guru purna |
bodhara matadalli loladuvananda||5||
Gruta dadhi takra modalada vyanjana unalu |
hitavagi sakala indriyangalu |
satata durvishayakke pogadale avaga |
ratipatipitana padaseveyolagippavo ||6||
Krishna sandarushana mrushtana bhojana |
kashtanashana sarva karmakadhika |
ishta suka saukyakara mattavalli kane |
srushtigodeya vijayaviththalanu dayavage ||7||