ಏನು ಬೇಡಲಿ ನಿನ್ನ ಬಳಿಗೆ ಬಂದು
ನೀನಿಟ್ಟ ಸೌಭಾಗ್ಯ ನಿಬಿಡವಾಗಿದೆ ಎನಗೆ || ಪ ||
ಜನನಿಯ ಕೊಡು ಎಂದು ಜಯವಂತ ಬೇಡುವೆನೆ
ಜನನಿ ಏನಿತ್ತಳಾ ಧ್ರುವರಾಜಗೆ
ಜನಕನ ಕೊಡು ಎಂದು ಜಗದೀಶ ಬೇಡುವೆನೆ
ಜನಕನೇನಿತ್ತನಾ ಪ್ರಹ್ಲಾದಗೆ || ೧ ||
ಅನುಜನ ಕೊಡು ಎಂದು ಅತಿಶಯದಿ ಬೇಡುವೆನೆ
ಅನುಜನೇನಿತ್ತನಾ ವಾಲಿಗೆ
ಧನವನೇ ಕೊಡು ಎಂದು ದೈನ್ಯದಲಿ ಬೇಡುವೆನೆ
ಧನ ಗಳಿಸಿದ ಸುಯೋಧನನೇನಾದ ಕೊನೆಗೆ || ೨ ||
ಸತಿಯಳ ಕೊಡು ಎಂದು ಮತಿವಂತ ಬೇಡುವೆನೆ
ಸತಿಯಿಂದ ದುನ್ಯಾಮಕನೇನಾದ ಕೊನೆಗೆ
ಸುತರುಗಳ ಕೊಡು ಎಂದು ಸತತದಲಿ ಬೇಡುವೆನೆ
ಸುತರಿಂದ ಧೃತರಾಷ್ಟ್ರ ಗತಿಯೇನು ಕಂಡ || ೩ ||
ಬೇಡುವೆನು ನಾನಿಂದು ಬೇಡತಕ್ಕುದೆ ದೇವಾ
ನೀಡೆನೆಂಬುದು ನಿನ್ನ ಮನದೊಳಿತ್ತೆ
ಮೂಡಲಗಿರಿವಾಸ ಗೋಪಾಲವಿಠಲ ಪರರ
ಬೇಡದಂತೆ ಎನ್ನ ಮಾಡಯ್ಯ ಹರಿಯೆ || ೪ ||
Lyrics in English
Ena bedali ninna balige bandu
Ninitta saubhagya nibidavagide enage ||P||
Jananiya kodu endu jayavanta beduvene
Janani enittala dhruvarayage
Janakana kodu endu jagadisha beduvene
Janakanenittana prahladage ||1||
Anujana kodu endu atishayadi beduvene
Anujanenittanai A valige dhanavanne
Kodu endu dainyadali beduvene
Dhanava galisida suyodhananenadanu ||2||
Satiyala kodu endu mativannta beduvene
Satiyinda dyunamakanenadanayya
Sutarugala kodu endu satatadali beduvene
Sutarinda dhrutarashtra gatiyeshtu padeda ||3||
Beduvenu na onda beda takkuda deva
Nide nenbudu ninna manadicchaye
Mudala girivasa sri gopala vithala
Bedadante parara madenna dhoraiye ||4||